Nga data 8–11 qershor 2026, Himara u shndërrua në një hapësirë të gjallë arti, ngjyrash dhe krijimtarie përmes aktivitetit “Kolonia e Piktorëve HimArt”, organizuar nga Instituti i Librit dhe Promocionit, nën kujdesin e Kryetarit të Bashkisë Himarë, z. Vangjel Tavo.
Artistë të shumtë u mblodhën në një atmosferë frymëzuese, pranë detit dhe peizazheve të mrekullueshme të Himarës, duke krijuar vepra që pasqyrojnë bukurinë, traditën dhe shpirtin e këtij qyteti. Një vend të veçantë në këtë aktivitet patën edhe fëmijët, të cilët ndoqën nga afër procesin krijues dhe u bënë pjesë e magjisë së artit.
Ky event solli së bashku piktorë, artdashës, banorë dhe vizitorë, duke krijuar një dialog të bukur mes brezave, kulturës dhe natyrës. Përmes penelit dhe ngjyrave, Himara u rrëfye si një vend ku arti merr frymë lirshëm.
Falënderojmë të gjithë artistët pjesëmarrës, Bashkinë Himarë dhe çdo person që kontribuoi në realizimin e këtij aktiviteti të veçantë.
Posto një koment